Terrence Chan
Senior Wealth Management Manager
Bachelor - Hang Seng University of Hong Kong
"Genius is 1% inspiration, 99% perspiration"
我時刻提醒自己一定要非常努力。有目標固然重要，但係達到目標嘅背後必須付出努力，加上搵一個好嘅方法先可以令事情事半功倍。正所謂行行出狀元，冇一個行業係容易嘅，尤其係呢個行業好多人做。所以我想用行動證明比自己同其他人睇佢無揀錯呢行，更加以佢嘅堅持同專業比到一種可靠嘅lifelong companion感覺比clients.
透過人與人之間嘅溝通嚟感染別人
喺加入Faith team之前，我喺讀大學期間曾經喺一間好出名嘅服裝公司度做咗四年part-time。喺呢幾年嘅工作入面，我發覺自己好鍾意同人溝通交流，亦都喺唔同人身上學到好多嘢，尤其著重團隊合作精神，所以希望畢業後做一啲接觸人嘅工作，希望可以用生命感染生命，甚至係創立自己團隊，一齊努力奮鬥。
我曾經喺財富管理同埋銀行業之間猶豫咗好耐，最後經過一番思量做咗個艱難嘅抉擇，選擇加入Faith Team。我除咗係因為想同客人build up一個長遠嘅relationship之外，更加係因為遇到挑戰區呢個地方。呢度嘅理念歷史同配套深深吸引住我，令佢最後選擇咗喺呢度發展自己嘅事業，同時更加希望用自己嘅努力改變人哋對呢個行業嘅Stereotype。
自身深刻經歷
我係一個好鍾意踢波同埋睇波嘅人,但係三年前因為踢波嘅意外斷咗十字韌帶同半月板撕裂。當時嘅我好崩潰，但係好彩屋企人有幫我由細買醫療保險，所以好順利一個星期就安排到手術，更加安排好一切醫療程序同手續，令到屋企人唔需要為醫療費用而多咗一筆額外的支出。
同年有一個好好嘅朋友都不幸地斷咗十字韌帶，但係可惜佢屋企人冇幫佢做好風險轉移，令到佢喺有限嘅資源下只可以等公立醫院，最後等咗三個月先可以做手術。相比之下我就更加明白風險管理嘅重要性，特別係自己嘅身體自己最感受到嗰種辛苦特別深刻我希望可以用自己嘅經歷幫助同提醒身邊人，做好風險管理，喺健康同追夢嘅路上一路向前！
我係2022年度已經完成左第一個MDRT, 比自己一個肯定，證明冇揀錯財富管理呢一個行業，更加希望比一個好嘅成績回饋客戶，證明佢哋冇揀錯。我準備開始建立自己嘅團隊，希望用自己以及團隊嘅能力，證明呢一個行業有一班好努力嘅人默默去努力，打造一個良好品牌。
